O Consello de Administración da Corporación de Radio e Televisión de Galicia aprobou por unanimidade, no pleno ordinario celebrado o 26 de novembro de 2024 o documento que recolle as recomendacións sobre o tratamento dos casos de violencia machista nos medios de comunicación públicos galegos. Este documento substitúe ao aprobado en decembro de 2015.

Estas recomendacións son unha ferramenta para introducir o enfoque de xénero na cobertura xornalística dos casos de violencia machista.

A dirección xeral da CRTVG incorpora estes principios ao apartado de autorregulación da entidade dentro das accións de responsabilidade social corporativa que desenvolve a mesma.

Recomendacións do Consello de Administración da CRTVG sobre violencia machista [PDF]