O actor Tamar Novas e o cantante Xoel López, xuntos no 'Land Rober Tunai Show' deste xoves - CRTVG
O actor Tamar Novas e o cantante Xoel López, xuntos no 'Land Rober Tunai Show' deste xoves
Os dous falarán, cantarán e, ademais, virá ao estudio alguén que os vai sorprender, ou máis ben, poñer nun bo aperto culinario
Santiago, 19.09.2024.- Este xoves visitan o programa ‘Land Rober Tunai Show’ (21:45 horas) o actor Tamar Novas e o cantante Xoel López. Os dous falarán, cantarán e, ademais, virá ao estudio alguén que os vai sorprender, ou máis ben, poñer nun bo aperto culinario. De quen se tratará?
Na ficción, os espectadores deben estar moi atentos porque o programa vai de visita a Marín. E é que alguén ten algo para a princesa Leonor. Como cada semana, o público tamén será protagonista. Roi Méndez e Eva Iglesias terán que andar con tino para adiviñar as idades exactas dos pintamonas de hoxe. Ademais, non faltará a música e o humor no show presentado por Roberto Vilar.