'Cos pés na terra' ten hoxe unha cita cunha costureira que fai o traxe dos felos de Maceda - CSAG
'Cos pés na terra' ten hoxe unha cita cunha costureira que fai o traxe dos felos de Maceda
Ademais, os espectadores coñecerán unha cultivadora de pementos de Padrón e un gandeiro namorado das razas galegas
Santiago, 8.3.2026- Hoxe, en ‘Cos Pés na Terra’ (22:00 horas), hai pementos de Padrón para todos, concretamente os que cultiva Laura, unha rapaza afeita a estar ao día tanto en inventos de recolleita como en aprenderlles aos máis pequenos a querer a terra.
O programa desta semana tamén ten unha cita cun felo, figura emblemática do Entroido de Maceda e, sobre todo, con quen aínda fai o seu traxe. Ela é Mercedes, costureira e gardiá dunha tradición que lle trae ledicia á xente.
Ademais, os espectadores da TVG coñecerán a Antonio, un gandeiro novo namorado das razas galegas máis bonitas, e afeito a bautizar tamén os seus cabalos de xeito moi orixinal.
