O actor Fran Nogueira presenta o concurso 'Eu sei + ca ti', con 6.000 euros en xogo. Tres equipos compiten con coñecementos, enxeño e estratexia cada día para abrir unha caixa forte co gran premio en metálico do programa. Fran Nogueira ten preparadas moitas preguntas para que os concursantes respondan correctamente e acumulen moitos puntos nos seus marcadores diario e semanal. Os dous que máis sumen no día clasifícanse para a semifinal e o que teña máis ao longo da semana pode continuar participando para a vindeira. Recibimos hoxe no estudio os equipos denominados 'Os Pataqueiros' (Íñigo, Juan e María José), 'Os Habibis' (Iria, Manu e Seiji) e 'As Pita' (Carmen, Lucía e María).