O 'Land Rober non para' reúne a Bustamante, Andy Chichester, Natalia e Farruco nunha noite de música e humor - CSAG
O 'Land Rober non para' reúne a Bustamante, Andy Chichester, Natalia e Farruco nunha noite de música e humor
O cántabro protagonizará un duelo de chistes con Roberto Vilar, e tanto o actor como a cantante e o humorista deixarán probas do seu talento sobre o escenario
Santiago, 28.8.2025.- O ‘Land Rober non para’ (22:20 h) chega esta semana cargado de humor, boa música e convidados de primeira. O programa contará cun espectacular duelo de chistes entre David Bustamante e Roberto Vilar, que porán a proba o seu sentido do humor ante un público entregado.
A noite tamén terá acento internacional coa presenza do actor Andy Chichester, e moita enerxía musical coa cantante Natalia, que se medirá ao improvisado xogo e ás ocorrencias do equipo. O humor galego estará moi presente con Farruco, que traerá a súa retranca inconfundible ao escenario.
Todo isto tamén coas intervencións habituais de Eva Iglesias, Roi Méndez e Jose Baño, nunha noite que promete non deixar indiferente a ninguén.