A regueifa será protagonista esta semana en 'Palmira Lará', con Miguel e Leticia viaxando a Bergantiños para aprender dos veteranos

Santiago, 06.07.2026.-    A viaxe pola memoria musical e humana de Galicia de ‘Palmira Lará’ continúa este luns (22:55 h) cunha nova aventura de Miguel Lesta e Leticia Rei, que nesta ocasión queren saber máis sobre a regueifa, así que viaxarán a Carballo para aprender de Lupe Blanco. 

Despois dese primeiro contacto, os protagonistas do programa da TVG seguirán camiño ata Ponteceso para coñecer a Suso e a Antonio de Xornes, os regueifeiros máis veteranos de Bergantiños. 

A fin de semana rematará en Melide, onde van coincidir con Roi Méndez nos cantos de taberna.